一月單車週末夜

一月單車週末夜  一月單車週末夜 140729193340 copy1

後記+相集

自從上年9月踩完 aape 之後已經有好幾個月未踩過市區~ 市區的確是比較具挑戰性,不過始終真係最好玩。今日天氣非常好,冬天真係踩單車一流既日子。今次既路線係我地第一次踏足,由西九圓形祭壇出發,看著完全紫色既維多利亞港日落,經過最刺激和困難既柯士甸,第一站來到油麻地的 蘇波榮 So Boring。謝謝特意為我地封場,你們加油,希望你們的生意越做越大,繼續為這個都市傳奇延續下去。之後我們沿著新填地街那些五光十色有充滿香港情懷的舊街和荔枝角道踩去昂船洲大橋底。這個就是我們之前介紹過的本地單車美景,今晚來的感覺和之前中午的又完全不一樣。

之後我地已經知道今晚肯定會 overrun,街上的車和人越來越少。我們順利地沿著長沙灣,李鄭屋村來到石硤尾南山村,此時已經差不多11點半,正是宵夜的好時機,大家排隊買$7 雞蛋仔(正過筲箕灣個間好多咯~),在南山村影靚相。最後幸好也在12點前將大家送抵九龍塘地鐵站 🙂 今晚非常多謝所有幫手的朋友,特別多謝 Carmen 同 Tom 陪我之前一齊視察路線同俾意見。2015年我地會準備更多好玩既單車之旅,大家記得留意呀!

最新更新:

Jan 14 04:01PM // 一月單車週末夜結果已經email 左俾大家,如果唔見就記得check 埋 junkbox~ 如果都無就 contact 我地啦~ 提提大家當晚我地會先去蘇波榮晚餐,(每人$70)到時自己俾。活動briefing 會星期五前再 email 給各位,星期六見!

Jan 09 11:52AM // 當晚時間會有少許更改,到達昂船洲時間會推後半少時,之後所有行程都會順延
Jan 08 03:54 PM // 新加當晚路線圖供大家參考

一月單車週末夜  一月單車週末夜 140729193340 copy

簡介:
一月單車週末夜我們會回到市區,在夕陽時候由西九集合等待出發,一開始會試最刺激的路段,需要經過幾條油尖旺的後街,第一站會先到蘇波榮 So Boring 嘆一個路邊晚餐,之後去昂船洲大橋,再經長沙灣,李鄭屋村,來到石硤尾的南山村。最後經過寧靜的九龍塘到又一城。

當日最具挑戰性的路段是一開始由西九踩去蘇波榮,中間會經過幾條大馬路,到時大家請嚴格遵守交通規矩。另外新填地街到長沙灣中間也會有紅van,大家請打醒120分精神。我們當日會儘量選擇最少車和最不繁忙的路段。

預計路線:

1月17日單車週末夜詳情:

日子: 1月17日
集合時間:
出發時間:
到達蘇波榮:
到南山村:
5 pm
6 pm
8 pm
10 pm
dress code: 自己最 stylish
戰鬥/運動服裝不適用。頭盔自便 (借車的已包)
氣氛: 輕輕鬆鬆悠悠閑
隨便識朋友吹水
人數:
男女比例:
50人(如果超額會進行抽選)
50 / 50
費用: 自備單車 ﹣ 免費
借單車 ﹣ $250/人 (包頭盔,不包括保險)

馬路:單車徑比例 100:0
車速: 10﹣15 km
報名方法: 1. 填妥下面的報名表
2. 記得 share 埋俾朋友啊~~~ 🙂
天氣安排: 如果落雨或天氣惡劣,將會另行安排
環保提示: 麻煩大家養成環保習慣:
1. 建議大家自備飲料,減少製造不必要垃圾
2. 如有垃圾,請分類放入回收箱

溫馨提示(參加的請先看):
– 今次的路線是全馬路路線,可能會有大量的其他車輛同時使用,請大家參加前做好心理準備。
– 但充滿濃厚的都市味道。
– 這是一個自願參加的活動,參加的朋友請為自己和他人著想,打醒十二分精神,做一個遵守規則並且負責任的道路使用者。
– 為自己的安全,出發前先檢查好單車(肽是否夠氣,鈴鈴,前後燈)和自己的狀態。
– 活動統籌者及本會將不會就參加者因參與是次活動而引起之所有意外或其他民事、刑事之法律責任而負責。
– 單車記得配置前後燈,鈴鈴。頭盔按你自己需要。
– 大家請記得帶身份證,錢,電話。
– 視乎天氣,大家請準備適當的衣物。
請大家儘量自備飲料,如有垃圾請放入分類回收箱。

about So Boring 蘇波榮:
可能大家都對蘇波榮 SoBoring 不陌生,位於油麻地德昌里的一間小餐廳,我們覺得最特別和最喜歡的是那裡的氣氛和門口的一篇公共空間空地,大家坐在那裡吃晚飯非常有氣氛。蘇波榮的其中一個特別地方是由客人開價。由於這次廚師要預先準備所以我們決定會劃一給$70 ,方便蘇波榮為我們準備。

蘇波榮的故事:
蘇波榮是一間位處油麻地邊陲,空間只有百餘呎的窄小店舖,曾經小店由業主經營,是間只做街坊生意的小食店。後來業主退休出租小店,雖然配備五臟俱存的廚房,但因為位置和店舖空間的限制,經營還是相當艱苦,曾經有人租下幾個月就離開了。
2013年5月,有班年青人經過蘇波榮現時的鋪位,心血來潮就租下來,要搞個油麻地「深夜食堂」。他們出錢出力,一切由零開始,6月就開舖…

蘇波榮 facebook:https://www.facebook.com/wearesoboring

蘇波榮  一月單車週末夜 10368388 488224487944914 7848861625307480051 nfrom 蘇波榮 fb

已截止報名

FAQs
Q:如果我踩單車的技術不太好,可以參加嗎?
A:其實沒有什麼技術好壞之分,你只需要符合兩個條件:
1)能夠令單車平衡穩定地前進
2)遵守所有交通規則

Q:這次參加不了怎辦?
A:如果大家未能參加這次聚會,又想參加下一次的話,可以subscribe 我們的newsletter(在頁底右下角),一有最新活動我們就會以電郵通知。 如果有問題的話大家記得早點發問哦~

10 comments

  1. 想問下當日會點行,因我女友未曾在馬路踩過,佢又有少少R底,所以想睇下岩吾岩佢!!
    另外想問多一樣野,我見你地單車露營個日有入機場尾,我想問係吾係封左路要行第二條路入.

    Thx thx!!

    1. Hello ~
      1. 唔好意思唔記得左,剛剛 upload 左預計路線圖,你可以參考下~
      2. 對,無錯~
      you are welcome~~

    1. 唔好意思啊!我地剛剛嘗試更新,麻煩你再試多次,如果都係唔得就麻煩email 以上資料給我們,
      因為我們要預留晚餐位,所以大家必須報名,謝謝

    1. 如果你話要踩exactly 同一條路線,做同一樣既野,就真係好難講,暫時答你唔到,但不會是短期內的事
      你可以留意我們之後不同主題的活動,4月會有不同的工作坊和小野餐 🙂

Leave a Reply

Your email address will not be published. Required fields are marked *